बाँके, ६ मंसिर । नेपालमा हुने प्रतिनिधीसभा तथा प्रदेशसभा निर्वाचनका लागि ३ दिन नेपाल–भारत सीमा बन्द हुने भएको छ ।
नेपालगन्जमा मंगलबार भएको नेपाल र भारतका सीमावर्ती जिल्लाका सुरक्षा अधिकारी सम्मिलित सीमा जिल्ला समन्वय समितिको बैठकले मंसिर १८ गते बेलुका ६ बजेदेखि मंसिर २१ गतेसम्म गरी ७२ घण्टा सीमा बन्द गर्ने निर्णय भएको बाँकेका प्रमुख जिल्ला अधिकारी रमेश केसीले जानकारी दिए ।
बैठकले भारतीय पक्षले सीमावर्ती क्षेत्रमा हुने नगर परिषदको निर्वाचनका लागि नेपाली पक्षसँग सहयोगको अपिल गरेको थियो ।
बैठकमा सीमापार अन्य अपराधका बिषयमा समेत कुराकानी भएको बाँकेका प्रमुख जिल्ला अधिकारी रमेश केसीले जानकारी दिए ।
