Related Articles
आज अक्षय तृतीयाको दिन, कुनै पनि काम गर्दा क्षय नहुने दिन, सत्ययुग सुरुभएको दिन, शिव पार्वतिको विवाह भएको दिन ।
हाम्रो पूर्विय सभ्यताका भान्साका संस्कृतीहरूको तथा विकृत समाजको जगेर्ना गर्न जरुरी ठानेर विगत् सात वर्षदेखि अक्षय तृतीयाको दिन कहिले व्यक्तिगत त कहिले सङ्घ संस्था मार्फत जौको सातु, मिठाको सर्वत नि:शुल्क रुपमा भान्सा सुधार अभियानकी अभियन्ता कविता दाहालले वितरण गर्दै आएकी छिन्।
आज मिति २०८१ साल बैशाख २८ गते अक्षय तृतीयाको दिन बर्दिवास स्थित आफ्नै निवास दिव्य भवनको प्राङ्गणमा जौको सातु र स्वस्थ पानीमा मिठाको सर्वत बनाइ दाहालले नि:शुल्क रुपमा वितरण गरेकी छिन् ।
आज झन्डै बिहान ७ बजेदेखि बेलुकाको ७ बजेसम्म विभिन्न सङ्घ संस्थाका कर्मचारी तथा सर्वसाधारणले झन्डै पाँच सयको हाराहारीमा उक्त स्थानबाट प्रसाद ग्रहण गरेका थिए ।
विकृत समाजलाई चिर्न आफ्नो संस्कृतिलाई पालन गर्नु पर्ने भएर पनि यस्तो कर्म गरेको कविताको भनाई छ ।
नि:शुल्क रुपमा यतिराम्रो काम गरेकोमा बर्दिवास निवासी कवियत्री, गीतकार, समाजसेवी तथा भान्सा सुधार अभियानकी अध्यक्ष कविता दाहाललाई साहारा न्युज परिवारको तर्फबाट धेरै धेरै शुभकामना आगामी दिनको लागि पनि ।
