Related Articles
उपप्राध्यापक जीवन जीवन्तको ‘चरैवेति’ उपन्यास भर्खरैमात्र सार्वजनिक भएको छ । शनिबार राजधानीमा आयोजित कार्यक्रममा आख्यानकार नयनराज पाण्डे, भुवनहरि सिग्देल, डा. अशोक थापा र उपप्राध्यापक सुमन वर्षाले सामुहिक रुपमा चरैवेतिको लोकार्पण गरेका थिए ।
साहित्यकार नयनराज पाण्डेले उपन्यास ‘चरैवेति’ ले नौलो विषयको उठान गर्दै धर्म परिवर्तनको वातावरणलाई समालोचनात्मक ढङ्गले पस्केको बताएका थिए । उनले धर्मको विश्लेषणात्मक निन्दा तथा प्रशंसा गर्न व्यक्तिमा निकै हिम्मतको खाँचो हुन्छ भन्दै पुस्तकमा लेखक जीवन जीवन्तले आफ्ना हजुरबुवाले पनि धर्म परिवर्तन गरेको अवस्था र पारिवारिक वातावरण उल्लेख गरेको बताए ।
डा. अशोक थापाले पुस्तकमा मानिसको जीवनमा जुनसुकै आवश्यकता, समस्यालगायतले बाधा अड्चन दिए पनि निरन्तर अगाडि बढ्न प्रेरित गरेको बताएका थिए । उपप्राध्यापक सुमन वर्षाले ‘चरैवेति’ का पात्रको हुलिया, परिचयबारे कतै उल्लेख नहुँदा पाठकले उपन्यासका पात्रबारे साक्षात्कार गर्न नपाएको समेत जानकारी गराएका थिए ।
